霓虹隕落

六十年代開始，一班匠心獨韻嘅寫字師傅同招牌工匠用一字一筆建構咗最繁榮昌盛嘅香港，令香港喺霓虹燈光下閃耀咗好幾十年。但係好景不常，一個無情嘅安全條例令呢一顆顆霓虹隕落，令一代香港人窮一生經營嘅建設黯然消失。發展同保育真係唔可以並存嗎？(法國同日本都係舉世聞名新舊並存嘅國家呀)

為咗紀念工匠們嘅心血結晶，貓館長以霓虹招牌做主題整咗呢個AR effect，你可以將佢「掛」喺你所在城市嘅地標又得，「掛」喺個頭度或個心度又得，得咗

牢牢的掛住佢記住佢，令香港文化同香港人嘅獨特性長存落去。

FB ：https://www.facebook.com/fbcamerae.../tryit/332721095128770/

IG： https://www.instagram.com/ar/332721095128770/

［制作後記］

原來我一個異香人想制作出一個有香港味嘅招牌係一啲都唔易㗎。首先，根據 霓虹黯色 呢本書，香港招牌嘅字體係由為數不多嘅寫字師傅手寫出嚟，佢哋幾十年嘅功力唔係我一隻貓仔可以臨暮到，更何況我毛筆都無枝，所以試極都寫唔出香港味

手寫失敗，之後就開始上網搵字體，電腦化過嘅正體字從來都唔多，而且好多都係台灣設計師制作，無廣東話入面「呢」「啲」「哋」嗰啲助語詞，又係唔夠香港味。而香港傳統嘅字體因為工程浩大，時間上嘅制作成本高昂，就算有人才，試問有幾多人可以花幾年時間，喺無收入嘅情況下不眠不休正職造幾萬個正體字？所以以下呢幾位碩果僅存嘅香港字體魔法師就更顯矜貴，請大家多多支持留意。

香港北魏真書Zansyu 香港北魏真書Zansyu

李伯伯街頭書法復修計劃 李伯伯街頭書法復修計劃

爆北魏體 爆北魏體

思緒俠造字 思緒俠造字

Kit Da Sketch - Kit Man Kit Da Sketch - Kit Man

最後要多謝 HONG KONG D 阿金為呢個AR effect 提字，令呢個AR可以順利完成

近排睇到 廣東話資料館 Cantonese Museum 嘅一句話：

「守住活出來的文化．廣東話中的人情味與活力」

的確文化係要活出來，多講多讀多實踐就係最好嘅保育方法！玩完之後, share 比其他frd 子，令香港文化一傳十 十傳百