香港飲食文化始祖

Written By Curator Cat

講開大牌檔, 你會第一時間諗到啲咩? 佢熱辣辣嘅鑊氣? 定係佢赤裸裸嘅麻甩風味? 你又知唔知道大牌檔其實只係呢類露天熟食檔嘅統稱? 佢哋涵蓋嘅食物種類繁多, 有中有西, 喺百幾年前已經存在, 係享負勝名嘅香港飲食文化始祖, 孕育咗好多耳熟能詳嘅名店!

19世紀中期, 港英政府推行左一種小販嘅發牌制度, 然後呢種牌照就喺1921年被劃分為固定同流動熟食檔兩種, 前者稱之為”大牌”, 並規定要將牌照放喺當眼位置, 所以之後就被人叫做大牌檔嘞

1950年, 戰後重光嘅香港百業待興, 當時嘅港英政府為咗增加就業率同埋安撫一啲戰後公務員嘅遺孤同人口多嘅基層家庭, 就發出多啲熟食檔牌照比佢哋自力更生, 當係一種社會福利. 而香港人堅韌有諗頭嘅性格亦都令呢個行業百花齊放, 好多而家嘅名店例如再興燒臘, 鏞記燒鵝, 同九記牛腩都係發跡自街邊嘅大排檔.

呢類大排檔其實就係一個巨型嘅鐵皮箱, 至於點解好多都係綠色呢? 原來都有段故㗎喎：

打仗嘅時候綠色喺軍事上有保護色嘅作用, 所以當時各個國家都大量生產綠色嘅油漆, 直至大戰結束, 就剩返哂好多呢啲油漆, 所以價格好平, 因此不論政府,企業, 定大排檔嘅店主都大量購買呢啲平價油漆, 再用喺好多嘅基建包括電車,纜車同埋大排檔身上. 就係因為咁,當時嘅香港就被塗上呢隻咁Iconic嘅綠色嘞!

隨著香港嘅經濟發展, 衛生問題, 同香港人生活質素同要求提高, 呢種無拘無束嘅街頭風味已經買少見少, 好多都唔獲續牌或者己經搬咗去上舖頭. 剩返喺中環嘅大牌檔就被視為比較有保育價值, 有得留低, 但係其他地區如深水埗嘅基層地區就被冷處理等佢自然流失….. 今次貓館長就將佢製作成AR展覽, 為呢個回憶備份, 希望日後可以將呢個自由自在嘅社區飯堂喺metaverse 中重現~

#會再見的

#情懷不會倒退

睇AR展覽, 想呢份集體回憶帶入你屋企：

Fb: https://bit.ly/3kxfETk

Ig: https://bit.ly/3KyN5iZ

Curator Cat
Previous

亂世下的（不？）太平清醮
Next

魚蛋的罪與罰